................
صلاح الفيداوي
................
غياب السنين
بعد غيابك سنين عني
لساك فاكرني.........
فاكر شكلي وفاكر جمالي........
ليه بس غبت السنين
خلاص انتهي مني الحنين
والصحة بس اجيبها منين......
كان ليه بس .......
يطول الغياب. ..
عمري الليّ ضاع
وذبلت.ورودي
من.كتر البعاد ......
وكتر البكا......
وكتر الحنين
كان.ذنبي ايه......
لما ملتني بكلامك
ومشيت وراك وفرشت قدامك
وقلت الدنيا حلوتها ف غرامك
بعد الغربة.....
جاي لي بشنطة
فيها الفلوس
طب تعمل ايه في جرحي الكبير
وعمري الليّ ضاع بشوية فلوس
تقولي تبوس
تبوس مين. ........بوس الفلوس
خلاص دبلت. ودبلت ورودي
وراح وجهي البرئ الطفولي
تقول لي عايز حنان
روح..... احضن فلوسك وفيها تبوس
ملعون الفلوس...........
شاخ الحنان وقتلت الحنين
خلاص من زمان........
كان.مالها العيشة قبل الفراق
عيشين بالقليل
وراضين بلّي كان
قلت هسافر....
واخدك معاي
ورحت لوحدك ودنك هناك
عشرات السنين.......
قتلت الحنين......
احضن فلوسك وافضل تبوس
فين.الوشوش
كان بدر التمام... ......
بص ف مرايتك.
هترد عليك..........
حبيت الفلوس
ونسيت المحبه
ونسيت ان ليك
ف بلادك.أحبة.......
نسيت اني أهلك
بوس الفلوس
وخدها ف حضنك
مش هاطلب فراق
بس اللي عوزاه
خليك.ف الفراق
موت الحنين
من بعدك سنين
من بعدك سنين
بقلمي
صلاح الفيداوي
القاهرة
24/8/2021
ليست هناك تعليقات:
إرسال تعليق