ديوان أكاليل الإلكتروني لسفراء القلم

 ..............

ايمن شتا

.............

#لماشفتك

#كلمات_ايمن_شتا

لما شفتك..

شفت فيكي ام ابني..

شفت فيكي حتة مني..

شفت فعنيكي الأمان..

شفت حب...

ميكفهوش كل الزمان..

...

شفت امي وشفت اختي..

شفت بنتي وكمان صديقتي..

شفت فعنيكي الحياة..

لما شفتك..

..

صدقيني مش كلام..

ولا حتى قصة عن غرام..

شفت فعنيكي اهتمام..

فجاءة ليكي شدني..

لقتني بسرح بين عنيكي..

وكأني مخلوق بس ليكي..

مهما قولت أو اقول عليكي..

القى عنيكي تضمني..

...

حتى اسمك.. فيه بقاسمك..

بين حروفه.. بلقى رسمك..

خدتي حرفين من حروفي..

بيكي هتحدي ظروفي..

بيكي ومعاكي هكمل..

هنسي ضعفي وانسى خوفي..

واترمي فحضنك وانام..

لما شفتك.. شفت فعنيكي الامان..

...

شفت فيكي ام ابني..

شفت فيكي حته مني..

شفت امي وشفت اختي..

شفتي بنتي وكمان صديقتي..

صدقيني مش كلام..

صدقي انك حبيتي..

لما شفتك..

...

ايمن شتا