ديوان أكاليل الإلكتروني لسفراء القلم

 ..............

الحساني عبد العزيز

.................

عيط عليك أو ما جاوبتيش ..

قرب العيد يابا ..

أو عيط عليك أو ما جاوبتيش ..

كون يسحابلي غادي تمشي ..

نجيك .. أو ما نمشيش ..

ندق الباب .. ما نسمع لجواب ..

أو برضاك كنت نعيش ..

ليوم نعيط حد ما سمع ..

أو الصوت لي مولف نسمع ..

غاب أو خلا عيني تدمع ..

أو تعرى ظهري من الريش ..

كتاب الله عليك باقي شاهد ..

أو عمرك ما خنتي العاهد ..

أو تعطي .. أو ما تديش ..

العيد بلا بيك ما هو عيد ..

أو عمر لقديم ما يعود جديد ..

أو بحال رضاك حد ما يرضيش ..

قرب العيد يابا ..

أو عيط عليك أو ما جاوبتيش ..

أو كون يسحابلي غادي تمشي ..

نجيك أو ما نمشيش .

( الحساني عبد العزيز )