................
المحجوب بوسبولة
...................
/////////+++كريبتي+++/////////
عمرت كريبتي يامحلاها
من اشربها كيف ينساها
حاملة بعذوبتها كل نفيس
وتفاجي ذواقها وجليس
ماها يروي عطش ذواقو
وشحال ياحبابي من ذاقو
صدقو والحق ديما معروف
وكريبتي تبرد سرار الجوف
والناس بالشوق منها تشرب
وانا بحوالي زايد نطرب
انواقسها توصل لسرار
وتسمعك منها كل خبار
وتزيدنا رحيق لفهامة
ماضرق اعلينا غمامة
منها وانا شارب حروفها
نرقص ف حضرتها وظروفها
سرها خابية زايدة بكثير
تنفع لعقل وحباب الخير
ماشي من جلد العتروس
وفضلها كبير ماشي مقيوس
منها الخيراث زايدة دفق
وحبابها معانا راها تصفق
امعلمانا جذبة وحلقة
في كل برقة وديك الشرقة
ماتعرف تسرق ولى عناد
وتفرق خيرها لكل عباد
لا ماتنسى الزهرة والسعد
ماتخلي الخيمة ف وهم البعد
لكريبة حالها تبرد القيض
ورسالتها ياك زايدة فيض
يالناسي جميلها ومفرط
وعمادك تالفة وفين تحط
لحروف من منبع كل مالوف
ظلها ياك وقاية مافيه خوف
مرجع يحكم يكتب ويزيد
ماتكون جاهل ماتكون عنيد
مازال رحيقو يزيد يروي
وعبيرو بلسانات يدوي
من اعرف مقامو يتعز
وللي ماعرفو يتفرز
حرف وسام لا ماشي اوشام
يا مضرق في وهم الاوهام
بقلم صقر الحروف الزجال المحجوب بوسبولة
ليست هناك تعليقات:
إرسال تعليق