................
المحجوب بوسبولة
...................
/////////+++وانا ولبحر+++/////////
وانا ولبحر عليا ماغريب
ولفو خلاني به كنبوح
درتو صاحب درتو لي حبيب
خطواتي ليه غادة وتروح
وعلى طول الشط مرفقاني
ديك النسمة الغادة بيا
ديك الجايلة ومصحباني
حاملاني ومكايسة عليا
وصلاتني لرمال ذهبية
وانا وغيري جاي والرايح
لبحر والموجة الغربية
وصداها ينعش كل سايح
امسلمة الروح ياك قدامي
فوق الصخرة يالعرفاني
ومواج بحرك تمسح قدامي
داتني ف خيالها مسهراني
خلاتني امعاها داوي
والناس حدايا فرحانة
لبحر محقق لي ماناوي
فهواه كل لقلوب هيمانة
بقلم صقر الحروف الزجال المحجوب بوسبولة
ليست هناك تعليقات:
إرسال تعليق