..................
عبد المنعم حمدى رضوان
....................
قولوله
قولوله أنه جوه القلب ساكن
ومتربع وضلوعى حواليه حراس
قولوا بخاف عليه من النسمة
لو مرت وبرقيه من عيون الناس
قولوله أنه احلى حاجة فى الدنيا
وأنه أغلى من الدهب والماس
قولوله الدنيا من غيره بلا معنى
وانى بتوه من غيره وأحتاس
قولوله بتزهر جناين عمرى فى
لقاه بحس معاه باحلى احساس
قولوله تعالى نسرق من الزمن
فرحة ونشرب من الهنا كام كاس
قولوله ميفوتنيش هنا لوحدى
من غيره بحس أن الدنيا بلا ناس
الشاعر/ عبد المنعم حمدى رضوان
ليست هناك تعليقات:
إرسال تعليق