..................
محمد كمال
..................
إشتاق القلب ليكى يابنت الطيبين
دايما يسأل عليكى مشتاق الحنين
السحر إللى فى عنيكى طريق السائلين
داريت عنك حنينى
لقيتك حبيتينى
مش كنتى تسأليني
من غيرك أروح لمين
يا دموع جوايه زايده
مش لاقى منها فايده
إمبارح زى النهارده
فى الحزن بقالى سنين
قولت أمسح يوم دموعى
إفرح حتى يومين
لقيتك زى ما أنتى
دايما جرحك في قلبى
وتعبت من الأنين
يادموعى خلاص كفايه
الظلم ليه نهايه
وأنتى ظلمتى حبى
وكتبتى كمان رساله
طريقى غير طريقك
وحبك مش حقيقي
والحلم إللى حلمتوا
يكمل مع حد غيري
بعدك عنى طبيعى
ذبلت فى يوم ربيعى
والورده المفتحه
مصيرها نفس مصيرى
كل الناس تشمها
وتتهنى بعطرها
لكن وقت اللزوم
الكل يبعد عنها
تفضل من إيد لإيد
لحد ما يخلص عطرها
ومصيرها تترمى
وقت ماتزهق منها
يعنى صريح العباره
لوكنت فاكرها شطاره
أنا بديلك إشاره
مش أنا إللى تحبها
طيب وقلبى إللى حبك
وعاش واتمنى قربك
وسنين قضتها في حبك
خلاص ضاع وقتها
وانسانى إنسى إللى بتحبها
آه منك يا زمان
جرح وغدر وألام
والناس الطيبين
ماتوا من زمان
وأنا جوايه خوف
مش عارف رايح لفين
والغدر بقى مكشوف
والجرح بقاله سنين
والناس الطيبين
ماتوا من سنين
بقلم محمد كمال
شاعر مصر
ليست هناك تعليقات:
إرسال تعليق