................
عاطف عبد الحميد
.............
يارب
....
آخر حدود المنى
سترك و راحة البال
و العمر لو شدنا
نفضل تملى عيال
الضحكه ماليه الفضا
مش خايفه من بكره
و على حدود الرضا
تتعدل الاحوال
....
عشان زمانى انفرط
فوق الخدود دمعات
بقت العيون تشترط
ترسم وجعها سكات
فتشت بين الصور
على ضحكتين بايتين
م الضلمه هل القمر
من طاقه الدعوات
.. ...
و على بيبان الرجا
فارد انا إيدى
لو ليل زمانى سجى
فرجك نهار عيدى
حلمى يفوت النهار
و انام مانش مديون
ولا ادور ف كل مدار
ولا غير هواك سيدى
......
عاطف عبد الحميد
ليست هناك تعليقات:
إرسال تعليق