.................
الهادي خليفة الصويعي /ليبيا
...................
في قلبي آهات مكتومة
وفي يصدري يدمدم بركان
على أمة صارت مقسومة
وناسها كيف القطعان
و القدس اللي تصرخ مظلومة
والحال اللي يبكي الصوان
والكرامة اللي أشوفها مردومة
والعز اللي اللي كان زمان
والعيشة المرة المشئومة
والقهر اللي في كل مكان
و الاحزان على وجوه مرسومة
و الدمع اللي زايد جريان
و الجيش اللي لو تعد نجومه
تعجز الأرقام ع الحسبان
والأذان اللي م الوقر مصمومة
ماتسمع غير الأمريكان
والأقصى اللي تبدل يومه
ليل حالك ولا ضيء يبان
و طعنات بخنجر مسمومة
بإيد أخوة باعوا الأوطان
والعين من النوم محرومة
ساهرة لين الفجر يبان
تفكر في الحال ومهمومة
و تناجي الرب الرحمن
والنفس والأفواه مكمومة
والذل اللي في كل مكان
وطن العرب تنعق فيه البومة
و تحول أطلال ومسكن الغربان
وين العرب اللي في التاريخ وعلومه
اللي يفزعوا وما يرضوا ذل و هوان
تنهدت من ضيم الزمان و همومه
و ما عرفت شن بنقول يا إخوان
الهادي خليفة الصويعي /ليبيا
ليست هناك تعليقات:
إرسال تعليق