..................
يسري عثمان
...................
فين رمضان
ولا لمه ولا عمك أبو عمه
ولا تراويح وبرد وريح
وندفي في بعض نقول
وحوي ياوحوي
ولا فوانيس ولا شمعه
مافيش غير للدموع لمعه
ولا كلمه في ليلة قدر
يادوب كل الحكاوي غدر
ياواد إنت دانا وحدي
بقالي يومين
مافيش ويايا غير وجدي
ودمع العين
مافيش هيصه ولا بنادير
مافيش غير الكلام تهجيص
ولا تواشيح
ولانبخر بحبة شيح
رمضانكو ا النهارده يا ناس
رمضان خالي من الاحساس
مافيش حتي قمر وناس
يادوبك بس يجمعنا
بكا ومجاريح
وظلم صريح
يسري عثمان
ليست هناك تعليقات:
إرسال تعليق