................
(أسامه جديانه
................
أنا وكافل اليتيم
فى الجنه كهاتين
قالها رسولنا الكريم
وأشار بأصبعين
وعملوا يوم لليتيم
ياريت ما فى حد ينساهم
دا هو يدوب فى السنه يوم
نزروهم او حتى نرعاهم
نشيل عنهم أي هموم
نفرحهم ونفرح معاهم
ونضمهم ف أحضانا
ولو نمسح على راسهم
وهما فى الدين ولادنا
وندعي ربي يحفظهم
نهاديهم بكلمة خير
نرسم بسمه على شفاهم
يحسوا أن أحنا فاكرينهم
وجوه قلوبنا شايلينهم
ياريت تاخد معاك أولادك
وأنت رايح تزورهم
تزرع فيهم الحنان
لكل يتيم يقابلهم
يكبر معاهم العطف
على الضعيف فى كبرهم
نبيك كان يتيم
هو خير مثال لهم
(((أسامه جديانه)))
ليست هناك تعليقات:
إرسال تعليق