.................
عبد المنعم السقا
...................
بُرج الأحزان
..........................................
وأنا قاعد لابيا ولا عليا
إندلف الواد أبو لسان
فضل يطردش وشكله يلطش .
طنشته وعملت نعسان
ساهيت و سبتك في الكلام
يا أنت ياهوا ال( سرحان)
( عبد البصير ) راجل هُمام
مش علي بعضك ليه غَليان
المفروض نضحك منك
مش إنت برضة ( دا أنا غلبان )
شكلك مايطمنش
بِعد الشر إحتمال تكون تعبان
لا .ابداً....دول.علي دول.
مع شوية من دول منهم زعلان
يا عم قول يا باسط
من يوم ما واعينا في توهان
قالوا الحزينة تفرح ما لقتش مطرح
بركن الإنسان
لكن وإزاي تفرح لما يخطفوا منها
فرع البستان
الحق لله يا سيدنا هي غلطة
بس فين فضل الإحسان
القول.قولك......م الحق بالمناسبة
ايه أخبار معتز الهربان
هو ممثل علينا بيرسم
لسه فاكر إنه فنان
ولا لفندي زوبع كشكش
طول الليل بيحكي لسكان
مش قادر علي الحمار
مسك في البردعة فين السلطان
حقي وحقك ماسك في بوقك
لكن من ذوقك أصدر فرمان
خلو القاعة برجوع الفرحة
ولا إحنا مواليد
بُرج الأحزان
.................................................
بقلم /عبد المنعم السقا
ليست هناك تعليقات:
إرسال تعليق