..................
رياض رحيم المظلوم
..................
چندوب برماد الظلم بالجمره أعد اسنيني
والذات شح بيهه الخلگ چا بيش اصبر عيني
مليت من غدر الزمن يا دمعه التواسيني
لا بيه ارد للذر ولا موتي غفل يلفيني
تطرشني چلمات البطر وچلمة نذل تعميني
والشيب ابراسي كثر جسمي ولا يحويني
والناس حسبوني كهل وتوه الصبه امصبيني
العوز عثه وناخره بعضاي ومرديني
نشديت عن حالي نفل گال الغدر سابيني
مگرود يا طيب گلب ديوانهم ناسيني
رياض رحيم المظلوم
10/2/2021
ليست هناك تعليقات:
إرسال تعليق