.................
..............
من ديوان ( سنين المخاض )
الواد محمد إبن أخويا
جانى مــرّه و قال ياعمى
الغريب ليه خش بيتنا
مين سمح له يبـخ فتنه
والقلو ب الشاربه فطنه
علموها تعض بعض
بدروا فيها سواد وبغـض
علـوا ناس من لحم ناس
ناس بتسكن فى العلالى
مصــّه دم الشقيانين
وناس بتسهر فى الليالى
يلضموا هم السنين
إحنا فين ؟
ليه فى خو فنا محبو سين
مسلو بين حس الإراده
معصو بين فكر وعينين
قول ياعمى وبصراحه
إنت ليه شايف وساكت
إنت مش بتقول لى شاعر
يعنى شاعر بالهوان إللى إحنا فيه
والا شاعر بس بيرص الكلام
من زمان واخدك إمام
والإمامه مش كلام
فكنى ...... وحل اللجام
والا أقول لك ....سيبنى أنا
أنا مش مهم .... بس هم
خلّى قلمك يكتب الشئ المهم
عن رغيف العيش عشان أكل العيال
عن طابور العاطلين ع القهاوى يمين شمال
عن آلاف الخريجين إللى فاقوا الإحتمال
قول ياعمى ما تنكسفش
عن قضايا الإنتماء
عن ضياع قدس السماء
عن عراق ضاعت هباء
عن صومال عن سودان
عن عقول عاشقه الرياء
عن عدو بيحصد رخاء
من بغاء .. من غلاء
من تجارته فى السلاح
من فراق الإخوة والدم إللى ساح
من نواح الحلم فوق أرض الكفاح
قولا ياعمى .....ساعدنى إنى
أفش همّى فى الكلام
وألا أقول لك سيبنى أنا
أنا مش مهم ... فيه أهم
علم الجيل إللى جاى
إزاى يعيد فجر الكرامة من جديد
علمه يرفع جبينه للسما
ما تعلموش بس الكلام
ليست هناك تعليقات:
إرسال تعليق