...............
الإدريسي محمد
...............
السلام عليكم ورحمة الله اصدقائي واحبائي الكرام تحياتي وتقديري لكم جميعا ..... قصيدتي
....................... شجرة لعمر ....................
ملي كنتِ شجرة ف لعم
أوراقها خظرة وغصانها تتمر
كنت انا جدور فالارض شادة
ف الصخر ولحجر
كان عودي صحيح
ما يتلوى ما يطيح
ما يغيرني ريح
ولا يغيرني حر
من غير لونك لسمر
من غير سماك الصافية
وغمامتك لي بغيثها تمطر
كنتي واد حدايا
زاهي منظر
قبل ما يجي لخريف
كنتِ شمس حارق فالصيف
كنتِ گمرة ضاوية
بضوها لخفيف
كان لباسك ورد وزهر
وانا فديك خلخال حمر
...................
قبل ما ينشف لبحر
ويموت الحوت ب لغدر
وتبات الدمعة ف العين
وراها مخبي شر
كنتْ سفينة تجري
ف لمواج الهايجة تكسر
تقطع بحور بلا متدري
بالهم لي فوق ظهرها كبر
كنت انا صحرة
برمالها تغري
والطامعين فجبالها كثر
كنت انتَ من لحدود لهيه
شجرة يابسة قبر
عوادها شوك سفيه
يجرح بالسم يقطر
عش لعنكبوت خلاه
وعش المحبة يصبر
وحقي بالقوة نديه
بالرجال والسلاح والعسكر
بدمي والروح نفديه
يعيش وطني حر
17. 11 2020.
الإدريسي محمد
ليست هناك تعليقات:
إرسال تعليق