ديوان أكاليل الإلكتروني لسفراء القلم

 ................

: محفوظ البراموني :

............

نقاواة اللسان ..

اللسان ف الفم نوعان ..

نوع إنساني ريحته غصان البان ..

نوع حيواني ريحته سم التعبان ..

عنوان الإنسان لسانه ف أى زمان ..

إذا كان من سكان واحة البستان ..

و للا من سكان ساحة قاع البركان ..

اللسان الإنسان ..

ما يتغير أبدا مهما كان ..

يقتل النفاق اللي طاير فوق الناس طيران ..

اللسان الإنسان نقي ما يحرق أبدا مكان ..

و لا يقلل من كيان أى إنسان ..

لسان يتكلم ب صراحة ب دون ألحان ..

ما يعرفش الغش و اللف و لا دروان ..

ما ينافقش علشان يكسب ود اى سلطان ..

لسان صادق من القلب ب دون ألوان ..

لا رمادي و لا متلون ب أي لون كمان ..

ب مشاعر نقية صفية مفيش فيها بهتان ..

ب حس مرتوي دافي شبعان مش عطشان ..

لسان ثابت راسي فاهم واعي مش حيران ..

نطقه خالي من التزويق و تلوين اللسان ..

مع إنه عارف الصراحة اختفت من زمان ..

عايش و هيموت ب لسانه مش ندمان ..

متمسك ب الحق و لو قطعولو اللسان ..

ثابت ف آرائه حتى لو اى حد منه زعلان ..

يفتخر ب لسانه و يعيش مش خسران ..

مش فارقة معاه المهم يفضل إنسان ..

يعيش و يموت له ذكرى ف كل أوان ..

تفتكره الناس ب الخير و الإستحسان ..

و تقول عليه عاش و مات ب لسان إنسان ..

هذيان قلم :

: محفوظ البراموني :