..............
انور مغنية
...........
يا حلو ..يا غاوي...
يا باب الحزن...
والفرَح ع مدّ البصَر....
يا سواد الرمش....
يا طول الليالي والسهَر....
فضلك ع الحسن طاغي...
يا فارد ضلوعك لقلبي بحر....
يا معودني ع القرب منّك...
لا تهجر.....
لا تعودني ع الهجر.....
يل مشيتك ...
تشبه مشية الغزلان...
وزهر القرنفل
منّك ماخذ العطر...
لا تقسى...
ولا يغرّك النسيان...
كل غصن بيحترق...
رح يترك جمر....
يا حلو ..يا غاوي
يا غصن نعناع. .
طيّب...طِيبة الريحان والعمبر...
انا الياويل...قايل...
ع فرقة الاحباب...
أنا ..صارت الآه
من حسرتي بتتحسّر....
إجا الليل..وأنا حنّيت...
لو تعرف حبيبي
كيف بيكون ليل المكدّر..؟
صاير هالقلب .
بيرف متل عصفور
من سجن القفص
بدّو يتحرَّر.....
انور مغنية ....... 17 11 2020
ليست هناك تعليقات:
إرسال تعليق