ديوان أكاليل الإلكتروني لسفراء القلم

 ..............

 د.برجس ركاب

.............

حلم:

""""""""""،،،،،،،،،""""""""

عم احلم الاحلام ريتا باﻷكيد

بتصير واقع عل منها نستفيد

عم احلم بهالناس ترجع للجذور

وﻷصلها الطيب ومابنا نزيد

<><>%><><>%<>

عم احلم الاخوان يبقوا بصفا

ويتقاسموا لرغيف بمحبة ووفا

مافادنا ياصاحبي كثر الجفا

لو نلتقي عالحب يبقى يوم عيد

<><>%<><>%<><>

شوبتنفع الأموال بجيبي مخزني؟

لحتى يقولوا الناس عنك :شوغني؟؟

اعطي الفقير وتقاسموا مال الدني

بتزرع ﻵخرتك عمل نافع

اكيد

<><>%<><>%<><>

دنيتك ماحدا ضامن حالها

ولا بيوم تعطي النفس ع منوالها

النفس هاللي تحب الخير شو عبالها

صاحبا موعود بالجنة وسعيد

<><>%<><>%<><>

ياريت من التاريخ عم بناخذ عبر

كيف الممالك فنيت وصارت خبر

وقصورها اندكت واصبحت اثر

وما فاد ملوكها جيوش وعبيد

<><>%<><>%<><>

خلي بقلبك دوم في رحمة وتقا

وعيش عمرك بصفاء وبنقا

كم فقير برغم فقرو ارتقا

وكم غني عاش بالدنيا وحيد

<><>%<><>%<><>

بقلمي د.برجس ركاب