ديوان أكاليل الإلكتروني لسفراء القلم

...............

رياض رحيم المظلوم

...........

چنت گبل اخوتي يمي

ولا ليل اليمر وحشه

هس الليل موحش صار

اسهره واطلع امغبشه

ازور ارمال شاطي الموح

اظن عباس إله ممشه...

أسمع صوت أم تنعى

على حسين ابشجن ثكله

اشوف اگبور رمزيه

اعدنهه اربعه ابوصله...

وگبر وحده ابحضنهه ارمال

شابگته وتون بحسين وجروحه

تعد من الجروح ايام

عاشت بيهه مملوحه

بفهاوه شافت الأيام

من طلعت ذبح روحه...

واگلهه زين چفينچ

تشبگ بالوفه ارماله

يام حسين تره عباس

بلايه اچفوف لعياله

يوصل راد جربة ماي

وتالم على الحاله

شفت ابعينه الدمعات

وعين ابدم هماله

اثاريه بالسهم مصيوب

الچفلني اتگطعت اوصاله...

حگه ايظل على التربان

هامه فضخته ربشه...

تگلي فدوه لحسيني

راحو اربعه ابنيني

كون الموت وي حسين

ابساحة طفه فانيني...

شلي عگبه ابو السجاد

يزينب عمري بالوحشه...

ذايب بالنبي اعرفته

ذبت بيه لني فاهمته

الحسين البالعدل ميزان

فلا لحظه ابوفه خنته

اريد ابهذا حالي ارثيه

باني ابگلبي هو عرشه...

رياض رحيم المظلوم

محرم ١٤٤٢

3/9/2020