............
صلاح الجنايني
................
ناس شغلتها
ناس شغلتها الكدب تألف
يحلف أن البغلة تخلف
من كل الخلق بيتسلف
آخر قرش معاك يستنزف
في المستشفى تلاقيه تمرجي
لجل مصالحه تلاقيه حالنجي
عند الجزار تلاقيه فرارجي
وسط القاعدة ضليع مزاجنجي
وسط النسوة عامل دبور
لو تعبان تلاقيه الدكتور
دمك منه بسرعة يفور
أشكال غربان نفسي تغور
كل عمايله تشوف نصاب
حتى وجوده الدنيا ضباب
تنطق اسمه تلاقي خراب
مش شغال وعامل اضراب
في الأفراح تلاقيه سنكوح
اي فرح تلاقيه بيروح
بس تشوفه طلوع الروح
اسمه كمان استاذ ممدوح
عنده الكدب مفصل ترزي
ع الكفترية تلاقيه مرذي
هو شمال بيحود عكسي
زي الملح بقلب المحشي
ناس شغلتها الكدب تألف
يحلف ان البغلة تخلف
ناس شغلتها
ألشاعر صلاح الجنايني
ليست هناك تعليقات:
إرسال تعليق