...................
عاطف عبد الحميد
............
حضن
....
راجع من موت لموت
و متبت ع الحياه
و ف زحمة السكوت
حاضن شط النجاه
مين جاى ومين مسافر
و وداع او دا لقا؟
القطر عاش معافر
بين مليون اتجاه
.....
طب واخد الحبايب
ف دروب المستحيل؟
او راجع باللى غايب
بعد الليل الطويل؟
خليك يا قطر ثانيه
بره حدود الزمان
اخد م الحلم دنيا
ده انا من زمان قتيل
....
و كتير لحظه نزولها
و ثوانى ف الوداع
و بعيده ازاى اطولها
لما يتوه الشراع
ولا شايف حد غيرها
ف رصيف الإنتظار
على فين رايح ياطيرها؟
مين شاري وم اللى باع؟
...
عاطف عبد الحميد
ليست هناك تعليقات:
إرسال تعليق