...............
( بن يونس العريني )
..............
☆☆ الحياه ☆☆
هيَ الحياه إيه
غير نظره رئيئه
وضحكه بريئه
وكلمة حئيئه
مابين البشر
☆ ☆ ☆ ☆ ☆
هيَ الحياه إيه
غير لحظة دفي
وهمسة صفا
وتكمل معاني الحياه بحب ووفا
و ويا قمرنا يحلي السهر
☆ ☆ ☆ ☆ ☆
هيَ الحياه إيه
غير ألم واوجاع
وكلمة وداع
وضاع اللي ضاع
وكله بقدر
☆ ☆ ☆ ☆ ☆
هيَ الحياه إيه
غير حبة آماني
وتوهه في زماني
وواحد يضحي وواحد أناني
وواحد من الحرقة قلبه انفطر
☆ ☆ ☆ ☆ ☆
هيَ الحياه إيه
غير ناس تقابل ناس
بقلوب من الألماس
وناس بدون إحساس
وبين ده وده دروس وعبر
☆ ☆ ☆ ☆ ☆
هيِ الحياه إيه
غير ناس بتظلم بعض
وناس بتخلف وعد
وناس تخون العهد
وناس مابينهم الخير جَبر
☆ ☆ ☆ ☆ ☆
هي الحياه إيه
غير دمعه في عز الفرح
وبسمة وقت الجرح
ومعاني تحتاج شرح
ومين اللي يفهم ويقرا الخبر
☆ ☆ ☆ ☆ ☆
هيَ الحياه إيه
أيام مابينا تفوت
وصرخة جوه سكوت
وآخرة حياتنا الموت
وفينا اللي كِسب ومنا اللي خسر
☆☆☆
( بن يونس العريني )
ليست هناك تعليقات:
إرسال تعليق