..............
...........
انا لاجيء وتذكرني عذابي:
انا لاجيء وتذكرني عذابي
عا ارض ترابها بيشبه ترابي
وقبل ما ودع العمر المقدر
يا ريت بيلتجي ليي شبابي
انا رفضت الإقامة بكون أزغر
من وجود الرفعتو عا ركابي
وشردت بحلم داب وما تفسر
تا صار الحلم مصدر ارتيابي
انا لا كون عندي الوهم صدر
ولا كوكب يحضن العتم بترابي
لانو ما استوعب فكر فجر
حالو بجمجمة راسي المهابي
انا شردة خيال بعقل قرر
ما يهجر طبقة الخلف الضبابي
انا الفجر العلى الالهام بكر
تا يرفع فكر أرباب الكتابي
وعندما ما بغيب خلف الغيم بقدر
اسمع شهقة الكلمة بغيابي
انا نسمة عشقت ورد المقمر
سرقت العطر وعملتو شرابي
وجي سلخت من بدر المنور
والنجمات نسجولي تيابي
انا اصلي هويي بنور دور
حالو متل نسمة بقلب طابي
بجسمي لبست بدلة جلد اصفر
وبروحي علنت اصلي وانتسابي
صعبي العقل يكشف عالمستر
غير ما يدق ليل نهار بابي
انا بلبل عا شجرة غصن اخضر
بنشد شعر عا لحن الربابي
وعا بعد جديد لما بروح بقدر
ابقى بكون ما بيساع ظلي
سؤال كبير ومضيع جوابي
ليست هناك تعليقات:
إرسال تعليق