..............
عزالدين الحميري
............
سكة الحياة:
لكل منا داخله احساس وشعور
يترجم البوح هو بنفسه ولاغيره
يتناوب الوصف ولكل منهم دور
شي يكتب حاله وشي ينال تأثيره
أنا ياريم الغلا أجمع الحال والظهور
يبان بالبوح والتعليق وأنثر عبيره
قرير العين ومرتاح البال ومسرور
مايهمني الضيق وصعاب مريره
سكة الحياة أمشيها وسهل العبور
أذلل خطاها بحمد وشكر وتكبيره
الجو عندي دوم زاهر وليله مغمور
والصبح مشرق تتدلى خيوط حريره
شبيه الحال كنز ماله مثيل ومطمور
بقصر القلب وساح الحشا له ديره
مواسم تتجدد بكل لحظة ولها عطور
أنثرها ويشمها الغير وييغير مصيره
حرفي خجول وماظنتي يصيبه غرور
وصيته يتواضع ويكون مرتاح السريره
ياريم الغلا تراني خجول وغيور
من يوصف جمالك وأصبح بحيره
عندي شوق وحنين مخفي ومستور
يبان بكلامي والإيد وكلي قشعريره
يامواسم غلاي تتجدد بكل الشهور
مايختلف ميل وشبر وتبقى الوتيره
بغيابك أبقى مهموم وحزين ومكسور
جناح الشوق ماله غير وصلك جبيره
إن حصل مني جفا واهمال وقصور
لاتلوم الحال والمدة تراها قصيره
معتق حنيني شبه خوابي الخمور
الطعم ماله مثيل وأبقى أنا أسيره
عزالدين الحميري
ليست هناك تعليقات:
إرسال تعليق