..............
رياض رحيم المظلوم
.............
شعبي عراقي
«وضع ما يشبه وطن»
مشكلتهم ما يريدون العداله
ومشكلتنه ابسبب ماكو عداله
صرنا امتين ابوطن
اه يگلبي تنعصر من الزمن
ماكو ريس كلهه ريس والوضع صار ابفتن
كون تنشدني يتاجر بيش خلصت المحن
وكون تنشدني يسايس بيش عمري ارتهن
رايح اوگف بالطريق وانشد الكل عالوطن
انشد الكل عالوطن
يا شعب دور الثنايا بلكن اتشوف الوطن
صيح بالبلدان وينك يا عراق آخر زمن
الحضارات الثلاثه تاهن ابدرب الفتن
بابل واشور وسومر
اعله نهرينك غفن
ابساحة التحرير ابوحن بالاريده
انا رايد بس وطن
شعب ما ترهم يعيش ابوضع ما يشبه وطن
فرهدتنه أحزاب يمتى انحاكم الفرهد وطن
يا حبيبي يا وطن
كل املهم عود يردوني انتخبهم
چا گبل شنهي انتخبته انباگ من عندي الوطن
ابوضع ما يشبه وطن
رياض رحيم المظلوم
ذو الحجة ١٤٤١
27/7/2020
ليست هناك تعليقات:
إرسال تعليق