................
صبري حسين
.............
( المسحراتي ) كلمات /صبري حسين
( ٢)
مسحراتي
انا المسحراتي
واخد عهد علي نفسي
الف على كل اصحابي واهلي
انادي بأعلى صوتي
بكلام خارج من قلبي
يا كل الاهل والاصحاب
الصيام موش صيام
على الاكل والشراب
الصيام لازم يكون عن الاغتياب
لازم نمسك اللسان ونوزن الكلام
نوزنه بميزان حساس
لازم نراعي مشاعر الناس
سبحانه وصف في القران
الكلمة الطيبة كشجرة طيبة
أصلها ثابت وفرعها في السماء
تؤتي كلها بأذن ربها كل حين
اسمعوا ووعو يا مسلمين
الصيام لازم يكون بكل الجوراح
بلاش نجيب سيرة اللي جاي واللي رايح
ياريت كل واحد يشغل نفسه بحاله
يراعي حرمة جاره
مسحراتي وبتكلم من قلبي
خايف على نفسي واهلي
الصيام صلة بين العبد وربه
سبحانه جعل ثوابه له لوحده
قال كل عمل ابن آدم له
الا الصيام فأنه لي وانا اجازي به
شوف بقى جزاء الإله ايه
يا صايم خلي بالك من نفسك
اخلص في صومك
راعي ربك في قولك
إياك لسانك يخونك
زمان قالوا في الامثال
لسانك حصانك
أن صنته صانك وان هنته هانك
ورسولنا العدنان عليه الصلاة والسلام
قال لمعاذ الناس تكب في النار
من حصاد السنتهم
كلمة ترفعك منزلة
وكلمة تنزلك للهاوية
يا أهلي يا اصحابي
بنصح نفسي قبل ما انصحكم
بدعو ربنا على ألسنتنا يقدرني ويقدركم
يارب اجعل الكلام الطيب كلامنا
للخير دايما وفقنا
مسحراتي وماشي بنادي
اصحوا يامسلمين
افهموا أمور الدين
ربنا هو المعين
كل سنة وانتم طيبين
رمضان كريم
صبري حسين
ليست هناك تعليقات:
إرسال تعليق