................
عاطف عبد الحميد
......................
شوق
....
إشتقت ليك يا انا
محتار على شمعه
لما دموع المنى
تحلا مع اللسعه
حلم الفانوس الخشب
أوقات بيبقى صفيح
شوق السنين انغلب
حلفت ماهش راجعه
....
اشتقت ويا الولاد
و عينينا ع المادنه
صوت الأدان حلمنا
مقسوم علينا إحنا
بين الفطار والسحور
أحلامنا ف الشارع
والفرحه تضحك تدور
ف قلوبنا فين رحنا
.....
اشتقت ساعة الأدان
للأهل و اللمه
والبركه ماليه المكان
مع كل مين سمى
ونا بجري ميت مشوار
على سجادات جدى
وتدوب شقاوة النهار
بين حضنه و الضمه
.....
عاطف عبد الحميد
ليست هناك تعليقات:
إرسال تعليق