.................
نبيل عبد الحليم
..............
( أهدى ياقلبى )
أهدى ياقلبى وبطل دق
يوم عن يوم كدا ليه بترق
عيجيك يوم م الحب تعانى
ليه واخد فى الحب قرار
ليه حابب تلعب بالنار
طريقك مليان اخطار
كاسه حنضل طعمه مرار
عيجيك يوم تندم وتعانى
الحب مش ورد وتهانى
احساس راقى كله معانى
مش كلمه تعزفها اغانى
عيجيك يوم تموت م الغل
سنه أولى فيه ورد وفل
واحده×واحده تشرب خل
وهمك يصبح ذى التل
اصلك زيك زى الكل
فيه سنه تانيه دلع وخصام
مرة عتاب مرة ملام
تقعد تكتب بالأقلام
وتنعى الحظ تموت احلام
فيه سنه تالتة تخش السجن
تاخد أوامر ذى الابن
يمتلكك الخوف والجبن
تسترجل البيت ينهد
شوف سنه رابعة
تزيد طلباتك
راتبك ما يكفى احتيجاتك
تكبر وتوجع معناتك
صوتك مخلوط باهاتك
مات الحب وساب روفاتك
تشكى منها لعماتك
والكل بيسمع فى اناتك
يزين وشك تجعيداتك
سنه خامسا تتمنى زواله
مات الحب ومعاه خيرة
مات ومعاه كل أقواله
وماتت كمان مواويله
ما بتتعلم
تجرى وتدور على غيرة
أهدى ياقلبى وبطل دق
يوم عن يوم كدا ليه بترق
عيجيك يوم م الحب تعانى
بقلمى نبيل عبد الحليم
3/4/2020
ليست هناك تعليقات:
إرسال تعليق