................
وائل محمد محمد
...............
أنا قلبي دلوقتي
حاسس بيتكسر
لمليون حتة
والحنين جوايا سكاكين وكام خنجر
وروحي علي كفي
ومتمرمغة الجتة
ولما جات رسالتها
وقالت علي فكرة
بصيت انا وسكت
وقلبي كان حاسس
بمليون فكرة
غير أنها تقول فرحي خلاص
بكرة
وجياني فساتيني والشبكة من برة
وساعتها وقف قلبي ساكت من الحسرة
من ربكتي قلت مبروك
علي الزفة
قالت خلاص انسي
ورجعت بفكري كام خطوة
والحنين جوايا بيعافر يسكت روحي وهو قتلان من الكسرة
يا عطشي في لحظة لقا
وياك ِ والليل فارد علي عيونك
جناحاته
وسارقنا في جناين حبك الخضرة
وارجع كمان خطوة
لما التقيتك قلبي فتح بيبان العشق واتصاد بعيونك السمرة
يا سارقة القلب والمفتاح
يا واخداني لسكة بعيدة
وزارعة في جوفي ألف براح
وايام حلوة وايام مرة
ومسرسبة حكاوي العمر بين ايدك قصة ورا قصة
يا فاردة الليل علي عيونك وسارقة الحلم والمنفي
يا واخدة القلب ومهاجرة
وسيباني هناك اشفي
ولا نافع طبيب يشفي ولا قوله أنا اسفة
أنا شايل سنين الفرح وياكي
وفارد للحزن درعاتي
وحالف ولا في يوم ارسي
غير وانت ويايا
ردت وقالت صدقني خلاص انسي
ليست هناك تعليقات:
إرسال تعليق