............
عمر بنحيدي
...........
قصيدةزجلية : العقرب
تعيا تزرب
خايف لا تعطب
............... تعدب
............... تغلب
أُوُ إرادتك تسلب؟
ماعندك لاين تهرب.
راه لعقرب
هاز شوكتو
يوزع السموم
على العموم
بقا ف. بيتك
نصيبك
يصيبك.
عم الظلم
و الظلام
زادها لغمام
رقصت الفوضى
هرب السلام.
قالو الفوهام
ماكفا لجام
زيد كمامة
يتقطع لكلام
يتسدو الفام
من كترة الفهامة.
اللسان الطويل
يسرج الليل
ويدير بين عينيه الفجر
يبات هو والقمر
ليه يحكي
يتنخسس
على زمان
الإنسان فيه تبخس
قيمتو تزيد تنقص
اللي يتكلم يتحبس
يبات على الدص.
فين حب السلام
وكره الحروب
فين حب التحرر
وكره الاستعباد
كدوب كولشي كدوب
كلام عسل
فيه سم يقتل
يقتل الأمل
للرعب يزرع
الطريق يقطع
وجهو بشع
يخلع
ديما هاز شوكتو
هداك هو لعقرب.
عمر بنحيدي 7/3/2020
ليست هناك تعليقات:
إرسال تعليق