.............
محمد النعماني // العراق
..............
ولك يا عشگ
********************
ولك يا عشگ
ماظل عشگ
جذع المسدّي بخيالك حمّل وخضّر عثگ
ولك ياعشگ
اي يگلبي فز طلع حﭴيك صدگ
كلت هندام الامس من ينهمل
ينداس خرگه ويحترگ
گلت عوف الشوگ بيدي ولابد البابي يدگ
ﭴنت شط راهي بزراگه وعالي ماي.......
وانه سباحة عطش ماتت خنگ
ﭴنت المّك نگطه نگطه
بﭴفي ماي
وادري مايك
مي حنطل يكتل ابن آدم خنگ
ﭴنت شمعه وروحي .....
تلعب بيك خيط
بالهوى انت تذوب بس اني احترگ
اي........يگلبي سيّر بلا عتب
گله
بابره دكيت اعله طولي
لا عيون اللي تشوف
ولا گلب حب يحترگ
ولك ياعشگ
**********
محمد النعماني // العراق
ليست هناك تعليقات:
إرسال تعليق