................
بسيوني صديق
...................
مربعات بسيوني صديق
( النصاب والطماعين )
هذه المربعات قصة حقيقية من الواقع تمت بالفعل وبعضها من وحي الخيال أبطالها شخصيات معروفة بأسماء مجهولة
*****************************
أصل الحكاية طلعت بمبة
يافرحة فينا الطماعيين
وكل واحد خد له زمبة
وضحكوا علينا النصابيين
*******************
قالوا علينا ناس فاضية
بتحلم بتجري ورا الأوهام
إلهي يجلهم ضربة قاضية
تشيلهم ترفعهم بالألغام
*******************
بهلوان واد عفريت صغير
مجبتهوش ولادة ولا داية
يخلي العقل يتجن يتحير
واد يتلون بلون الحرباية
********************
يضحك على اتخن تخين
يلف الكل ف ملايةوعباية
ينط يضرب ضربة معلمين
يعمل سيرة وقصة وحكاية
********************
نصب ع الخلق وعشمها
قال إيه في رحلة لشرم
وكيس الفلوس وكومها
والخلق م القهرنزلها صرم
*******************
واحنا كمان ضعنا ف زفة
والكل فاكر نفسه ناصح
حتة واد عيل و بشخة
يتشقلب يلعب بينا شاطح
*******************
نصبه كان جنب الصورة
يتصور مع باشا أو وزير
أو يتصور مع الغندروة
أو يعمل نفسه بيه كبير
********************
مش خايف أبدا ولا همه
ولا خايف م البيه الوزير
جمع الفلوس أكبر همه
حتي لو يموت ابن الغفير
********************
يروح مهرجان لوزارة
أستاذ فنان في التدليس
ونقع إحنا بكل جدارة
وننسى الجمعة م الخميس
*******************
إلهي تجيله ضربة تغمه
خلفة التعالب والشياطين
ويتوه عن لباسه وكمه
ويبات ليله محتار حزين
*******************
دوس على الغلابة دوس
بكره يدوسوا عليك سنين
يا معيش الناس ف كابوس
وخلتهم نسيوا حلم السنين
********************
همام ده أول الضحايا
سهل الصيد لقمة طرية
اتعجن اتطحن بالراحايا
خبزوه حطوه ع الطبلية
********************
كان مشهور سبقته شهرته
وكله ضاع تحت الرجلين
معذور ومات من حسرته
ومخه طار زي المجانين
******************
همام كان صاحب أصيل
أما أصحابه شلة بهوات
هجاصين ملهومش مثيل
طلعوا فالصوا بكارنيهات
********************
اخدوه معاهم في التيار
ووقع همام كيف العليل
لا طال جنة ولا حتي نار
ياخوانا النهار نهايته ليل
********************
سوسو برضه من الضحايا
بنت المعلم أبو حنكورة
سوسو ديه بقي حكاية
تشوفها ف الأصل والصورة
*********************
سوسو جدعة بنت رجالة
بيقولوا عليها مغرورة
سوسو إيدها طايلة وفعالة
و كلمتها دايما مسموعة
********************
بتقول الست سوسو أنا
ومن بعدي الطوفان
يكفيك شر الغيظ والأنا
وشر الزن ع الودان
********************
عملت للنصاب مصيدة
طلع النصاب أولعوبان
وباتت سهرانة متلجة
والنهار شقشق وبان
********************
ولطمت علي خدها ولع
والنصاب شد رحاله
وراح واختفى منها وقلع
وكل واحد بكى على حاله
********************
والقنابل والبنادق متوجهة
للشطار نشاطركم الأحزان
ومحدش يقول أنا من جهة
وميقولش قريب ابن فلان
********************
والضحية التالتة نايم
عم عبده عبد الصمد
كان مصلي مذكي صايم
إمتحنه ربه جاله رمد
*******************
الصواني عايمة باللحمة
والخاذوق شكل السجق
وعم عبده فاكرها فتة
وبيحلم برجوع الحق
*******************
ياعم عبده مش زمانك
وقعت ف شلة نحس
ياعم عبده سيب مكانك
كفاية ارحل ياعم وحس
*******************
والضحية الرابعة ياخال
شيخنا الحاج منجاوي
مجرور مسحور بالعيال
فرحان مزقلط وغاوي
******************
بسلبة وحبال مربوط
كان عاوز يتوب وناوي
ملحقش ولبس زعبوط
ووقع في الهوى الهاوي
*****************
وانتبه وكشف النصبة
وحرص صاحبه حنين
وخد فلوسه ولفها بلفة
منجاوي راجل أمين
******************
وشكره حنين على العشرة
الشكر واجب ع الطيبين
مسلم مسيحي أصلها عشرة
يارب طهرنا من الخاينين
******************
منجاوي تعب م الأنعرة
وندم وقال مكانك فين
ده مشي العيال مسخرة
وده الجزاء ياموحدين
*******************
منال هانم ضحية خامسة
بتتشعبط عقلها عقل عيال
زي طفلة في سنة خامسة
مالها سايب راح للكيال
********************
ابو بلاش كتر منه واديله
الطماع عايش بروحين
والنصاب فرصة وبتجيله
برزق الهانم مع نسرين
********************
لفوا ودارو حولين نفسهم
وقالوا ياريت ماكنا وكان
ورجع المال وخدوا حقهم
الأصيل أصيل يا أهل زمان
******************
والضحية السابعة ميرو
والضحية التامنة هاني
والضحية التاسعة زيزو
والضحية العاشرة سامي
******************
فلتوا بسرعة وانتبهوا
ببركة شيخنا منجاوي
ووقع النصاب ف شبكوا
بعد ما عملنا البلاوي
******************
وآخر كلام ياريت ينتهي
ونقفله بالضبة والمفتاح
ونتعلم ونسكت ونتلهي
وناخد درس م اللي راح
*******************
بسيوني صديق
ليست هناك تعليقات:
إرسال تعليق