................
. غانم ع الخوري
.............
أمنتك أسراري ياجاري
صرت بتعرف أخباري
قلتلك يالله حييك
تعاهدنا بيوم أنا و إنت
نحكي صبية نغمز بنت
تكون ستري وأنا فيّيك
على بالي فيك أمّنت
ع مخدتي متطمن نمت
إنو مابتخون خيّيك
ليش حكيت بالحارة
وكل سكانها ثرثارة
بالمشكل رجلي وإجرك
طلعت وسيع الذمة
باﻹسم عامل زلمة
الله يرحم بيّ و بيك
ماعاد قلك ياشريك
وﻻ بدي اتأمل فيك
عفت رجال إللي زيّك
. غانم ع الخوري ..
ليست هناك تعليقات:
إرسال تعليق