.............
فتحى نجم المنصورة
................
الله عليك يا ابو العيال
والإيدين شقيانين
والعروق بتحضن بعضها
والجوارح متحمسين
بتطبطب ع الطين بحنان
وبتمسح ع القوالب كما المحسنين
عرقك مغطي جبهتك
والحَمَار معبي الخدود متحنين
و ف عينيك لمحة شقا
وتحدي صارخ للسنين
واللمعه سارجه وضيهم
من الرضا فرحانين
صوتك حِنين زي كف الإيد
والموال شادي وحزين
بتزرع بالحنان بيوت
من طين أخضر مُلين
والبيوت تكبر شقا
وتعمر فيها الطيبة والحنين
فيها الأصالة والتقي
فيها الحيطان متوضين
قولي عملت ايه فيهم
رغم فراقك متمسكين
طوبه جنب اختها
عملوا عريشه وتكوين
ياميت تحية للمعلم
اللي هندس واللي علم
تعليم رزين
مفهش فزلكه ولا تعالي
ولا تلوين
الحكاية طبطبة وإخلاص
خلقت من الطين توطين
لمت فراق الغربه بالتسكين
ياضارب الطوب
ياراسم لوحه فنية
يامالي القلب دفا وتمكين
وزرعت ب الإيدين الطيبه
الحنان واللين
تكعيبة من شجر المحبة
عناقيد عنب وفروع ياسمين
بقلم / فتحى نجم المنصورة
4/1/2020 شتاءالسبت
ليست هناك تعليقات:
إرسال تعليق