.............
حسن حلمى
..................
قصيدة : لحظه حلوه . . 26/ 12/ 2019
بقلم الشاعر : حسن حلمى
ياللى فى لحظه تبيعنا
قولى ليه فيك اتخدعنا
اتخدعنا فى اللى باعنا
من غير عتاب ولا حتى كلمه
وانجرح فينا الوريد
قبل الفراق ما يدق بابنا
ننزف وما نحس الالم
اصل الوجع وسط الضلوع
كل نسمة ليل تعدى
بفتكرلك اللى كان
كنت بسهرلك ليالى
بس لتطمن لحالك
اى نظرة حزن فيك
كنت انا بجري قوام
بمسح الدمعه اللى
تنزل قبل ما تجف الخدود
تهمس انت بالحروف
قلبى يفهم ايه المعانى
قبل ما تعانى الالم
ايديا دايما بتواسيك
تحضنك وتدارى دمعك
قبل ما يحسك غريب
صدقوني كنا زى نسمه
بتعدى في ليل
قبل ما تلمس سحابه
كنت بطويها بضلعى
قبل ما يطلع نهار
تحرق الشمس النسيم
بس يا خسارة افترقنا
من غير عتاب ولا حتي كلمه
قولت انا هستنى بكره
يفتكرلى لحظه حلوه
قبل ما يفوته الميعاد
بقلم الشاعر : حسن حلمى
ليست هناك تعليقات:
إرسال تعليق