..............
بقلمي / الشاعر وحيد محروس
....................
( قومي يا مصر )
قومي يا مصر ياقوية
وخدي إيديا في ايديكي
ياصابرة دايما وقوية
يصونك المولي ويحميكي
ياشامخة وعالية في مكانك
اتكتب التاريخ بايديكي
عارف الضربة إللي ماتكسر
بتشد عزمك وتقويكي
شمسك دافية في سماكي
وقمرك ملهم غناويكي
لون الخضرة من توبك
واللي يشرب من نيلك مرة
لازم تاني يعود ليكي
قومي يا مصر
فلاح عرقان وسواقي دايرة
والطير علي شجرك فرحان
وعامل في المصنع وبينتج
وكله يقين بالله وإيمان
وجندي بيدافع عن أرضه
من بطش خاين وجبان
وراجل بيشتري بأمانة
وراضي برزقه وكسبان
قومي يا مصر
قومي وافرحي بشبابك
عاشق لعطرك في ترابك
واخد عهد علي نفسه
ما يرضي بذلك وهوانك
ويضحي بعمره علشانك
ويروي بدمه زهر شبابك
قومي وعدي لبر أمان
ابنك فرحان مش زعلان
هيبدا معاكي عصر جديد
علشان نفسه يكون إنسان
واشهد ياتاريخ وسجل يازمان
براعة وعظمة بني الإنسان
قومي يا مصر
إللي باع وطنه وعليه هان
روح ودور في الأوطان
يمكن تلاقي حضن حنون
وتدوق معاه طعم أمان
ومستحيل إنك هتلاقي
وأكيد هترجع يوم ندمان
ولو هتعيش مابينا لازم
تعمل بالسنة وهدي القرآن
قومي يا مصر
بقلمي / الشاعر وحيد محروس
قومي يا مصر ياقوية
وخدي إيديا في ايديكي
ياصابرة دايما وقوية
يصونك المولي ويحميكي
ياشامخة وعالية في مكانك
اتكتب التاريخ بايديكي
عارف الضربة إللي ماتكسر
بتشد عزمك وتقويكي
شمسك دافية في سماكي
وقمرك ملهم غناويكي
لون الخضرة من توبك
واللي يشرب من نيلك مرة
لازم تاني يعود ليكي
قومي يا مصر
فلاح عرقان وسواقي دايرة
والطير علي شجرك فرحان
وعامل في المصنع وبينتج
وكله يقين بالله وإيمان
وجندي بيدافع عن أرضه
من بطش خاين وجبان
وراجل بيشتري بأمانة
وراضي برزقه وكسبان
قومي يا مصر
قومي وافرحي بشبابك
عاشق لعطرك في ترابك
واخد عهد علي نفسه
ما يرضي بذلك وهوانك
ويضحي بعمره علشانك
ويروي بدمه زهر شبابك
قومي وعدي لبر أمان
ابنك فرحان مش زعلان
هيبدا معاكي عصر جديد
علشان نفسه يكون إنسان
واشهد ياتاريخ وسجل يازمان
براعة وعظمة بني الإنسان
قومي يا مصر
إللي باع وطنه وعليه هان
روح ودور في الأوطان
يمكن تلاقي حضن حنون
وتدوق معاه طعم أمان
ومستحيل إنك هتلاقي
وأكيد هترجع يوم ندمان
ولو هتعيش مابينا لازم
تعمل بالسنة وهدي القرآن
قومي يا مصر
بقلمي / الشاعر وحيد محروس
ليست هناك تعليقات:
إرسال تعليق