............
عمرو تمساح ابوسفيان
...............
مواطن
********
مواطن كل همه العيش
وبيطاطى عشان يعش
مايفرقشى معاه سلطان
وعايش عيشة الحرافيش
فقير الحال ومتعسر
وحتى كلامه متكسر
لا حيلة جاه ولا أموال
وعايش عمره متحسر
ياسكه كفايه واتعدلى
دنا جايلك على مهلى
نكرتى منى كل جميل
وحتنسينى حتى اهلى
لا فاكره عيشى ولاملحى
وديما غاويه ليه جرحى
ياقلب حزين كفايه نواح
وغنى يوم على فرحى
يا عصفوره قولى كلمه
قوليها وارفعى الهمه
سيبينى بس انام الليل
هتاجى الضحكه واللمه
انا صابر ومستنى
وهطوى الحزن من جنبى
وهحكى تانى شعر جديد
تقوله وتكتبه عنى
وهعدل كل سطر عليل
دواه عندى ولو هيميل
وهكتبله واقول موال
واغنى جنب شط النيل
*********
عمرو تمساح ابوسفيان
ليست هناك تعليقات:
إرسال تعليق