.................
الهادي خليفة الصويعي/ ليبيا
................................
مصر يا أم الرجال
بصي فوق شوفي الهلال
أدي النصر هل هلاله
ياللا ياحبيبتي نفرح بيه
إلبسي الطرحة
ياعروسة النيل
ودقوا المزاهر
وأعزفوا المواويل
ياللا ياقناوي
ياللا يانوبي
أنا عارفك أصيل
أقوم إصحى
أدي نور الفجر
بيطارد ظلام الليل
ياللا ياصعايدة
يا أهل الجلاليب
عايزكم تكونوا جاهزين
ماحدش يغيب
أدي ليلة عرس وأفراح
مش عايز اشوف فيها
دمع ولا نواح
أدي ليلة مصر
وموعدها حبيبتي مع النصر
ياحلاوة اللمة
بين مصر وحبايبها
وحلاوة الناس
اللي واقفة طوابير
تحت الشمس
عشان تقبل إيدك
وتبوس الرأس
وتديكي العهد
أنها تحميكي لأخر الانفاس
ياللا يا حسنين
وإنده على نفيسة
وأقول امحمدين
أمكم بتنده
وتقول أنتم فين
ياللا ياأولادي ردوا الحاسدين
ياللا يابهية
على شط النيل
غني أغنية
دي حبيبتك مصر
تطلب مواويل
ده يوم النصر
يا حبيبتي يامصر
اللي منظرين
إحنا أولادك
عمال مع وفلاحين
بصي حواليك
و ملي عينيك
شعراء وكتاب
وموظفين
سبنا كل حاجة
أدينا جايين
نقولك ياحبيبة
أنت ضيء العين
أرواحنا فداك
كلمتنا واحدة
ماتصير إثنين
قبلي مع بحري
ومتوحدين
يا حبيبة قلبي
يا بر أمان
يامصر الغالية
عهدا من إبنك اللي ساكن ليبيا
و من حب دفين
رايتك ياحياتي
ح تفضل عالية
ولا يوم تهون
لأنك ياغالية
أنت ساكنة فؤادي
ليوم الدين
الهادي خليفة الصويعي/ ليبيا
ليست هناك تعليقات:
إرسال تعليق