................
بقلمى سامح توكل أبوالسبح
.........................
تباريح
=====
صوت الليالى فصيح
بس الأمل كداب
=====
صوت الليالى فصيح
بس الأمل كداب
ريشه فى مهب الريح
ترسم دموع فى سراب
ترسم دموع فى سراب
الصدق فيها جريح
ملفوف كما اللبلاب
ملفوف كما اللبلاب
للغش ميت تصريح
بحر النفاق غلاب
بحر النفاق غلاب
ترمى الشبك بيطيح
صايد جراح وعذاب
صايد جراح وعذاب
عاتبونى على التوضيح
عايزينها عتمه ضباب
عايزينها عتمه ضباب
توب الفضيله مريح
لونلبسه أحباب
لونلبسه أحباب
توب الرزيله صفيح
يجرح قلوب أغراب
يجرح قلوب أغراب
أما الشرف دا مليح
أصله من الأنساب
أصله من الأنساب
عمره فى يوم مايطيح
تصفى القلوب بعتاب
تصفى القلوب بعتاب
هى الحياه تباريح
لقمه واكلها غراب
لقمه واكلها غراب
بتصيده بالتفاريح
ماهو عيشته ويا كلاب
ماهو عيشته ويا كلاب
يرمى التهم تلميح
ينطق سواد لوعاب
ينطق سواد لوعاب
واخد على التجنيح
مسدود طريقه بغاب
مسدود طريقه بغاب
هاعيش حياتى صريح
عمرى ماكون دحلاب
عمرى ماكون دحلاب
لوجتتى فى ضريح
النور سابقها كتاب
النور سابقها كتاب
فيه الخطاوى تصيح
صادق ومش مرتاب
صادق ومش مرتاب
موال حياتى مديح
الآهه نور فى سحاب
=====
بقلمى سامح توكل أبوالسبح
الآهه نور فى سحاب
=====
بقلمى سامح توكل أبوالسبح
ليست هناك تعليقات:
إرسال تعليق