........
بقلم محمدابوالحسن
..........
شهرزاد الملك
بقلم محمدابوالحسن
شهريار كان ملك
وعنده جوار كتير
وشهرزاد ملكه
وكانت عليه بتغير
وشهريار بيحبها
ودايما يطلب ودها
وليلاتى ضيف علقصرها
مزاج ومغْنَى
وكل حاجه تحبها
لكن شهريار كانت عينه
زايغه
وعنده ناضُورجيه
وحاشيه
وعينه عالجوارى
ومش قادرر يدارى
وأموره مش ماشيه
حَب يلعب بديله
ويسحَّب فى ليله
يمكن يصيب الهدف
ويرفع أكاليله
شهرزاد حاسه بيه
عارفه طبعه واللى فيه
تفْضَل تشاغله وتلاغيه
لكن الملك ماتكفيهوش
واحده
وعنده من الجوارى الف
واحده
لما إتخنق من شهرزاد
وزع جوارى عالبلاد
وخد لكل واحده ميعاد
وقالها دول ملك يمين
وكلهم غلابه ومساكين
وانتى ملكه وقلبك كبير
إزاى تغيرى
من الخدامين
وانتى اللى فى القلب
وجوه العين
شهرزاد قالت مافيش
فايده
لانِى قايله ولانِى عايده
خليه يعمل مابدالُه
ماهوبردُه فى مُلكُه
وفى ماله
بس هتفضل فى صدرى
النار....... قايده
ليست هناك تعليقات:
إرسال تعليق