............
حميد النكادي 21/07/2019 المغرب
............
قصد لكريم
يالقاصد الناس
قصد مول لحبال متينة
لاتمشي غالط
تغرق بيك السفينه
إلا ضاق الحال
وظلامت في عيننا
عيط عيطا
لمول الجود يفرج علينا
شوف الأرض جافة
تقنط وتبكي عينينا
يرسل السحاب ثقيلة
ينزل الماء يحيينا
شحال من عاقر
قطع الرجاء فذرية زينا
قصد العاطي لكريم
لي عطاه يعطينا
لا تهز هم
وأنت عبد بين يديه
يعلم أسرار النفس
والحوايج الدفينا
لا تقصد غيرو
كلشي محتاج
حتى الغني فينا
لي تبع الدنيا يا خويا
يعيش عيشة لغبينا
حميد النكادي 21/07/2019 المغرب
ليست هناك تعليقات:
إرسال تعليق