............
.كلمات محمدابوالحسن
...........
قصيده رقم(٦)
تعبنا من الأوهام
كلمات محمدابوالحسن
إحنا استوينايادهر
وشبعنا من الأو هام
مش خدت منا المهر
حقق لنا الأحلام
ولاأنت زى الزهر
عيل مالكش كلام
كل إللى عندك قهر
واحنا ولا الأيتام
هو إحنا داسنا القطر
وبقينا تحته رُكام
ولا اتعصرنا عصر
وصفينا على أقزام
ولا إحنا فاتنا العصر
وصبحنا يادوب خُدّام
ضيعنا عنب اليمن
وفتحنا جرح الشام
والحزن أصبح وطن
والفرح إحنا صيام
والحلم هنأجله
هنشيله للأيام
خلينا على وضعنا
هنعيش على البرشام
لو ليك حساب عندنا
قول فاضلك كام
إغرف وخد براحتك
عندك فلوس إكوام
ياترد لينا المهر
وسيبنا نعيش فى سلام
واللى شايفنى مش تمام
عندى زهايمر أو فِصام
عاوز حد يرُدِنى
سورى عراقى أردنى
المهم يكون عربى
مجروح ودهره بيتحنى
مين يحس بالنار
غير إللى إيده بتتشِوى
وإن طلعت مُذنِب
أومُدان
هاتولى سبع يخُضِنى
يمكن على إيدُه أموت
شهيد
وألاقى جنه تلمنى
ليست هناك تعليقات:
إرسال تعليق