...........
...........
من يداوي جرحي ودواي هو عذابي
وانا طبيب روحي وجروحي خابرها
كثر ما بان الشوق في رمشة أهدابي
اعطيت حب وما احصيت خناجرها
ياما غنيت وياما الحرف غنى بي
وياما اقفيت والقوافي ما تسايرها
لا سريت نجوم الليل تسرى بي
ولاغفيت كل أحلامي تسامرها
ما عاد يفرق حضوري ولا غيابي
وما عاد إحساسي يكتب محابرها
شاب شَعري وشِعري في شبابي
يا الله السلامه من دنيا نغادرها
ما ألوم الهوى ولا اكتب له عتابي
من حبنا حبيناه بروحنا وغزايرها
وأروض حرف الهوى من رضابي
وأعزف لحون الشوق من بوادرها
الهوى رحله والنهاية أعانق ترابي
وحروف الهوى بعدي محدن ذكرها
قلبي أبيض مثل أكفاني وثيابي
يا الله عفوك وذنوب الهوى اغفرها
يا عالم البوح واسراري وكتابي
يا خالق النفس ومقدر مقادرها
يا شعر الحرف احساسه سرا بي
وقوافي الهوى جابت معي آخرها
ليست هناك تعليقات:
إرسال تعليق