...........
ياسر مهدي عمرو
...............
الواد بيحب جديد
يا فرحت امك بيك !
قاعد لي بتبحلق ؟
فاتح لي في الشبابيك
والبنت تضحك لك
يا اخي قوم فارقني وروح
بدال ما اللزق لك
جوه الجيوب مفضوح
وتقول لي محتاج لك
هاصرف عليك إياك
وانت بقيت طولي
روح يلا شوف ما بلاك
ما تقولش حطوا لي
وان يوم رميت في شباك
ارمي الشبك طولي
انا ياابني مش قدكم
يبقى انت و اخواتك ؟
ولا كنت يوم زايكم
روح شوف جميل فاتك
وإوعاك يغرك يوم
المصل والعيرة
تفضل حزين مهموم
والعمر في الحيرة
امك دي احلى ملاك
ولا مرة بصيتها
ولا جات لي في الشباك
لاكني حبيتها
ناس بالادب عاشوا
رادين بيبان بيتها
وناس باللسان باشوا
ولا كلمة خبتها
واحنا اللي كان اصلنا
وخطانا سكتها
فاتت عيوب جنبنا
وإيدينا غطيتها
جاي انت بعد الزمن
تفتح لي شباكك
تدفع منين التمن
لو حد كان شافك
داري الهيام ياابني
واتروى في شعورك
ما تقولش الجمال صابني
وتلم في غرورك
ياسر مهدي عمرو
ليست هناك تعليقات:
إرسال تعليق