ديوان أكاليل الإلكتروني لسفراء القلم

........

كلمات... عادل النوبي

...........

مُش بس كلمة....
مُش عاوزة أسمع بحبِك...
عمال كدا على بطال....
أنا عاوزة تِتَرجمهالي....
خليني أشوف أفعال....
الحب مُش بس كِلمه...
كل شوية بِتِتقال...
لأ دا زي الوردة...
بيدَابِلّها الإهمال...
مُش بس كلمة...
خَلّيني أحس دايما...
حُضنَك هو الأمان...
مَخَفشِ معاك من بُكرَه..
ولا أيام الزمان..
حِس بيا وإفهمني...
بحنانك أوي طَمني..
محتاجة إنك تِوعِدني..
تِصُنّي بقَدر الإمكان...
مُش بس كلمة...
إوعَ تِخَلّيني أندم...
في يوم على أختياري...
وأبَات مصدومة...
بَبلع مُر وقسوة قراري...
عاوزاك تكون الدنيا...
لِيا وأهلي وداري...
مِش تبقى إنت اللي...
ترميني في ناري...
مُش عاوزة أسمع بحبِك...
عمال كدا على بطال...
أنا عاوزة تِتَرجمهالي...
خليني أشوف أفعال...
كلمات... عادل النوبي