ديوان أكاليل الإلكتروني لسفراء القلم

...........

عادل فاروق

.......

أمي 
---------
أمي أمي يا أمي 
حلوه الكلمه ونفسي أأقولها
وانا في المهد صبيا ماتت أمي
كنت بقولها بيني وبين نفسي كتير
أمي يا أمي
كنت بشوفها في عيون الطيبين
كنت بدفي بيها لما الشتا يدق البيبان
كنت بشم ريحتها وسط الغيطان
كنت بحلم بيها بتضمني في ليله صيف
لكن الحضن كان عني بعيد
كنت بحلم اني بتكلم معاها ونحكي كتير
في ساعات الحزن والبكا كانت بتطبطب من بعيد
وتمسح دموع وتقول كفايه قوم
عشت معاها وهي بعيد
وانتم للأم عاملين عيد
ازاي عيد وهي العيد
وهدايا لمين دي هي هديه رب العالمين
اروع القلوب قلبها
اللي يدفي بجد حضنها
أمي يا أمي يا من لا أكاد أعرفك انتي اروع ملاك
وما أحوج القلب لدعواك
عادل فاروق
20/3/2019