..........
توفيق بومدين
..........
عييت نخمم
علاش أنا عيان
واش من حكرة ليام
ولا من دواير الزمان
مليت العيش فيك يا دنيا
مليتك يا إنسان
عييت نخمم ونشوف
عييت بالسؤال
بكيت بالحرقة على ناس زمان
بكيت على كان يا ما كان
بكيت وبكايا طال
دموعي سالو ويدان
بكيت على الوقت للي غادي زربان
يا ويلي من جيل اليوم
يا ويلي من دوك الشبان
الدراع فاني والعقل ديما حيران
اللباس مقطع ومحسنين الحجبان
يتشبهو بالنسوان
المشية بالميزان وطول اللسان
هذا جيل اليوم
جيل لمعايرة والسبان
الطريق باين واضح
وهما كيف العميان
عليت عيني للسما لقيتها بعيدة
لقيت الأرض غاديا وتموت
من فعايل الإنسان
الغابة ما بقات عزيزة
لوثو جميع الوديان
هوانا ما بقى نقي
ومانا فيه شتى ألوان
.
......
توفيق بومدين
ليست هناك تعليقات:
إرسال تعليق