ديوان أكاليل الإلكتروني لسفراء القلم

………

بقلم .. صبري رسلان

…………

قسمتي وياك
....................
فاتت كام سنه
ما عرفتش أنا
إن أنا ليك أنا
قسميتي وياك
ولا كنت في باللي
ولا شوق مرساللي
وبشوف كده حاللي
ما لهوش في هواك
أتاريك قدامي
مشغول وبحالي
وأنا بيك ولا داري
ولا عيني شيفاك
قلبك بينادي
فارد لي آيادي
حاضن في ودادي
تاه قلبي معاك
وعرفت تجيبه
بغرام وتصيبه
شاف قلبي نصيبه
بقى طير في سماك
يعتب على حاله
له سنين وقباله
ولا شاف قدامه
قلبينا ليه نداه
سلم راح جانا
وفلحظه لقانا
في الحلم سوا
راسمين في هوانا
قلبين جوانا
قلبه ده معانا
وقلبينا جواه