...........
ق/صعب اغفرلك واسامح
ك/أحمد عبد الرحمن صالح
كل ما أنسى وقول نسيتك
قلبي يسبقني بحنانُه
والوساوس تستلمني
ليه بيكسرني بجنانُه
مستحيل هقـدر أكمل
وانكوي بالنار عشانهُ
قبلك أنت كنت خالي
قلبي كان حافظ مكانُه
ليه قبلت معاك برحله
قلبي فيها إتهان كيانُه
صعب اوصفلك شعوري
اللي زمني في حلمه خانُه
رغم كدبك كان بيوجع
كنت بغفر مش عشانُه
كان في قلبي ليك حاجات
ذكريات اوهام وبآنُه
ليه قبلت تزيد آهات
في اللي حَبك من كيانُه
مستحيل أنسي اللي فات
مستحيل أنسي اللي خانُه
سبني وارحل من سُكات
قلبي رافض للي هانُه
كل حاجة حلمت بيها
ذكري ماضي من اللي كانُه
صعب اسامح ليك واغفر
بعد قلبي ممات حنانُه
كنت بكتم بين ضلوعي
دمع يصرخ من آهاتُه
قلبي مات في هواك بذُله
والنهارده تاريخ وفاتُه
قلبي دمرني بجبنه
بكرهك بكره سُكاتُه
بالسلامة يا وهم ماضي
عشت أسوء ذكرياتُه
كنت بخلصلك بقلبي
والتمن كانت حياتُه
بدعي ربي يخُدلي طاري
م اللي دمر قلب فاتُه
قلبي كان راضي بحاله
ليه تحطم اُمنياتُه
دي الدموع سكنت آهاتُه
سبني وامشي من حياتُه
أنتهت دقات ساعاتُه
كلمات/أحمد عبد الرحمن صالح
ليست هناك تعليقات:
إرسال تعليق