ديوان أكاليل الإلكتروني لسفراء القلم

...........

بقلم محبكم : النحات رضوان ضمان عفا الله عنه بمنه و كرمه

(ابن مدينة سيدي بنور)

.........

كيفاش بغيتوها
-------------------

كيفاش بغيتوها #بغيتو القوم يحل فمو
اودي غربلوها #و خليو اولادنا يتحزموا
المناهج تلفتوها #وحدين ما قراو ما خدموا
المريرة احرتوها #حتى تبعو تابع ما خموا
أجيال سلسعتوها #وسط غار الضب راهم وشموا
الحطة شروطوها #على سروال طيح اتفطموا
مشيتهم تلفوها #داخو بالبنج و ادمدموا
كيفاش تصرطوها #و فيهم البعض ضرب لحمو
القلقولا دوخوها #بلعو الحمرا و اتصدموا
و علاش قهرتوها #الولاد بالحريك يحلموا
شلا كنوز اهملتوها #الدين و الدنيا اتهدموا
الرزانة رونوها #شبابنا السنة اللي اتقوموا
السلفية نكروها #طاحو في الشبه و جدموا
السنة جهلوها #من راحة الصلاة اتحرموا
الضوابط وضروها #بحروز التكفير اتسمموا
و فيهم اللي مرمدوها #في بير الإلحاد اتردموا
المحجة لقنوها #باش في البدع ما يهيموا
العقيدة درسوها #باش في الشرك ما يهرموا
القامات حكرتوها #غير اللواز اللي تكرموا
الرجلة كتفتوها #فيهم اللي كبر ولد امو
الوقت غليتوها #المكس زيدوه و غرموا
انتوما حسبوها #هاد الجيل اتقال همو
راكم اخليتوها #اودي كونو اتحشموا
اللهاسة تركوها #الا ابغيتو تزيدو اتقدموا
حتالين اتقادوها #و لصوت الحق اتكتموا
مبغيتوش اتفهموها #حتى انا فنان ضاع حلمو
كيفاش ابغيتوها #راه كلشي حال فمو